onları sirkə tökülmüş ilıq suda saxlamaq lazımdır. Qədim xalq təbabətinə görə, çiy süd və ya limon şirəsi qatılmış su ilə vanna etmək yaxşı kömək edər.
     • Əgər əllərinizdə ziyil əmələ gəlmişsə, gündə 4-5 dəfə təzə kartof, sarımsaq çəkin. Ziyilin üstünə külləmə soğan qoymaq məsləhət görülür. Onu kəsmək və zədələmək olmaz, yaxşı olar ki, həkimə müraciət edəsiniz.
     • Tez-tez quruyan və qabıq verən dodaqlara 1%-li bor turşusu məhlulu çəkir və bitki yağı sürtürlər.
     • Ayaqlarınız yorulmuşsa, sərin su ilə yuyun, sonra dabanlarınıza krem çəkin və dabandan dizə qədər masaj edin.
     • Yanmış yerə yumurta ağında isladılmış əski qoyurlar. Bu, ağrını azaldır və yara daha tez sağalır. Yanmış yerə tünd çay, tünd-bənövşəyi marqans (manqan) məhlulu, ya da odekolon çəkmək olar.
     • Dəri qış ərzində bir qədər solur və təravətini itirir, bunun qarşısını almaq üçün çiməndə dərini bərk sürtmək və təzadlı (gah soyuq, gah da isti) duş qəbul etmək lazımdır. Bu, qan dövranını yaxşılaşdırır və solğunluğu aradan qaldırır.